پی ٹی آئی کا فوج سے اظہار یکجہتی کیلئے مزارقائد سے تین تلوار تک ریلی نکالنے کا اعلان

اسلام آباد : (جاگو پاکستان) پی ٹی آئی نے فوج اور وفاقی حکومت سے اظہار یکجہتی کے لئے کل مزار قائد سے تین تلوار تک ریلی نکلنے کا اعلان کردیا ہے سندھ اسمبلی میں اپوزیشن لیڈر فردوس شمیم نقوی کا کہنا تھا کہ پاکستان کی فوج کے پیچھے بائیس کروڑ عوام کھڑے ہیں پاوں انڈین آرمی کے کانپیں گے۔

جاگو پاکستان نیوز کے مطابق پاکستان تحریک انصاف کی جانب سے بروز اتوار فوج اور حکومت سے اظہار یکجہتی کے لئے ریلی نکالنے کا اعلان کیا گیا ہے۔ انصاف ہاوس کراچی میں پریس کانفرنس کرتے ہوئے فردوس شمیم کا کہنا تھا کہ انڈیا کے میڈیا کو باور کرانا چاہتے ہیں پاکستانی قوم کے پاؤں بہت مضبوط ہیں۔ ہم ہر وقت شہادت کے لئے تیار ہیں شہادت ابدی زندگی ہے۔ بھارت بزدل اور مکار ہے۔ پاکستانی فوج کے پیچھے بائیس کروڑ عوام کھڑی ہے خون کا ایک ایک قطرہ ملک کی حفاظت کے لئے بہانے کے لئے تیار ہیں۔ 

رکن اسمبلی خرم شیر زمان نے کہا کہ ایک سیاسی جماعت اور کچرہ پی ڈی ایم ملک سلامتی کے خلاف ہزرہ سرائی کررہی ہیں کچرا جماعتوں کو اپنا مستقبل تاریک ہوتا نظر آرہا ہے پی ڈی ایم ملک کو پیچھے دھکیلنا چاہتی ہیں۔ پی ٹی آئ کے رہنماؤں کا کہنا تھا کہ آج جو اقدامات وزیراعظم کررہے ہیں اس سے ملک ترقی کی جانب گامزن ہوگا۔